img
img

வங்கதேச அணியை 22 ரன்கள் வித்தியாசத்தில் வீழ்த்தியது இங்கிலாந்து.
திங்கள் 24 அக்டோபர் 2016 12:14:27

img

இங்கிலாந்து அணியுடனான முதல் டெஸ்ட் போட்டியில், 22 ரன்கள் வித்தியாசத்தில் வங்கதேச அணி தோல்வியை தழுவியது. 286 ரன் எடுத்தால் வெற்றி என்ற இலக்குடன் களமிறங்கிய வங்கதேசம் 2வது இன்னிங்சில் அனைத்து விக்கெட்களையும் இழந்து 268 ரன்களை மட்டுமே எடுத்தது. சிட்டகாங், அகமது சவுத்ரி ஸ்டேடியத்தில் நடந்து வரும் இப்போட்டியின் முதல் இன்னிங்சில் இங்கிலாந்து 293 ரன், வங்கதேசம் 248 ரன் எடுத்தன. இதைத் தொடர்ந்து, 48 ரன் முன்னிலையுடன் 2வது இன்னிங்சை தொடங்கிய இங்கிலாந்து அணி, 3ம் நாள் ஆட்ட முடிவில் 8 விக்கெட் இழப்புக்கு 228 ரன் எடுத்திருந்தது. நேற்று நடந்த 4வது நாள் ஆட்டத்தில், இங்கிலாந்து 240 ரன்னுக்கு ஆல் அவுட்டானது. ஷாகிப் ஹசன் 5 விக்கெட் வீழ்த்தினார். இதையடுத்து, 286 ரன் எடுத்தால் வெற்றி என்ற இலக்குடன் 2வது இன்னிங்சை தொடங்கிய வங்கதேசம் 4ம் நாள் ஆட்ட முடிவில் 8 விக்கெட் இழப்புக்கு 253 ரன் எடுத்தது. இம்ருல் 43, மோமினுல் 27, ஷாகிப் 24, கேப்டன் முஷ்பிகுர் 39 ரன் எடுத்தனர். சப்பிர் ரகுமான் 59, தைஜுல் 11 ரன்னுடன் களத்தில் இருந்தனர். கை வசம் 2 விக்கெட் இருக்க, வங்கதேசம் வெற்றி பெற இன்னும் 33 ரன் தேவை என்ற பரபரப்பான நிலையில், இன்று கடைசி நாள் ஆட்டம் தொடங்கியது. 11 ரன்களுடன் கலந்து இருந்த தைஜுல் ஸ்டோக்ஸ் பந்தில் ஆட்டமிழந்தார், அடுத்து களமிறங்கிய ஷபியுல் இஸ்லாம் விக்கெட்டையும் ஸ்டோக்ஸ் வீழ்த்தி வெற்றிக்கு வித்திட்டார். இன்று கடைசி நாள் ஆட்டம் தொடங்கிய 19-வது நிமிடத்திலேயே போட்டி முடிவு பெற்றது.

பின்செல்

விளையாட்டுச் செய்திகள்

img
அனைத்துலக ஹயாஷிஹா கராத்தே போட்டியில் அஸ்னவி, விக்னேஷ் சாதனை!

பெண்களுக்கான 61 கிலோ கிராம் குமித்தே பிரிவில் களமிறங்கிய

மேலும்
img
அனைத்துலக மாஸ்டர் ஓட்டப்பந்தயப் போட்டி

புலேந்திரன் தங்கப்பதக்கம் வென்று அசத்தினார்.

மேலும்
img
மலேசிய வீரர் தங்க சாதனை.

மலேசியாவுக்கான முதல் தங்கப்பதக்கத்தை இரும்புக் குண்டு

மேலும்
img
மலேசிய தடகள போட்டிகள். தங்கம் வென்றார் கீர்த்தனா

9 நாடுகளில் இருந்து 250க்கும் மேற்பட்ட போட்டியாளர்கள்

மேலும்
img
காதலி கொடுத்த முத்தம் வெற்றிவாய்ப்பை பறித்தது

ஒலிம்பிக் சாம்பியன் கில் ராபர்ட்ஸ் தடைக்கு

மேலும்
  • Copyright 2015.Nanban.All rights reserved.
  • powered by img