வெள்ளி 19, ஏப்ரல் 2019  
img
img

காதலித்த கனடா பெண்ணை திருமணம் செய்து கொண்ட  ஜாக்கி சான் மகள் எட்டா என்ஜி
வியாழன் 29 நவம்பர் 2018 12:57:56

img

ஹாங்காங், 

சுயபாலின காதலால் 31 வயது கனடா நாட்டுப் பெண்ணை திருமணம் செய்து கொண்ட அதிரடி மன்னன் ஜாக்கி சான் மகள் எட்டா என்ஜி(19) ஹாங்காங் நகருக்கு திரும்பியுள்ளார். அதிரடி ஆக்ஷன் படங்களின் மூலம் உலகளாவிய ரசிகர் பட்டாளத்தை கவர்ந்திழுத்தவர் நடிகர் ஜாக்கி சான். ஹாங்காங் அழகு ராணி பட்டம்பெற்ற எலைன் என்ஜி யி லீய் என்ற பெண்ணுடன் கடந்த 1999ஆம் ஆண்டு வாக்கில் நெருக்கமான தொடர்பு வைத்திருந்தார். இந்த உறவின் மூலம் பிறந்த ஒரே பெண் குழந்தையான எட்டா என்ஜி சோக் லாம் என்பவருக்கு தற்போது 19 வயதாகிறது. 

ஓரினச்சேர்க்கையில் ஆர்வம் கொண்ட எட்டா என்ஜி, கடந்த ஆண்டில் கனடா நாட்டை சேர்ந்த அன்டி ஆட்டம் என்ற 31 வயது பெண்ணின் மீது காதல் வசப்பட்டார். ஓராண்டாக கனிந்து வந்த இவர்களின் காதல் தற்போது திருமணத்தில் முடிந்துள்ளது. 

கனடா நாட்டில் இவர்கள் திருமணம் செய்து கொண்டதாக நவம்பர் 8ஆம் தேதி அந்நாட்டு அரசு இவர்களுக்கு திருமணச் சான்றிதழ் அளித்துள்ளது. இந்நிலையில், இந்த தம்பதியர் ஹாங்காங் நகருக்கு வந்துள்ளனர். இதுதொடர்பாக, பிரபல தற்காப்பு கலை வல்லுனரான எட்டா என்ஜி, தனது இன்ஸ்டா கிராம் பக்கத்தில் வெளியிட்டுள்ள பதிவில், எங்கு சென்றாலும் சொந்த ஊரில் இருப்பது போன்ற பாதுகாப்பான உணர்வு கிடைப்பதில்லை. நாங்கள் தற்போது ஹாங்காங் நகருக்கு வந்துள்ளோம் என்று குறிப்பிட்டுள்ளார். 

ஜாக்கி சானின் ஆதரவு இல்லாமல் தாயாரின் அரவணைப்பில் வளர்ந்துவந்த எட்டா என்ஜி, கடந்த ஏப்ரல் மாதம் வீட்டில் இருந்து வெளியேறினார். வசிக்க இடமின்றி தனது கனடா காதலியுடன் ஹாங்காங் நகரில் மேம்பாலத்துக்கு அடியில் தங்கி இருந்ததாக முன்னர் செய்திகள் வெளியானது குறிப்பி டத்தக்கது. 

 

 

பின்செல்

உலகச் செய்திகள்

img
வடகொரியாவில் அடுத்த வாரம்  புதின்-கிம் ஜாங் அன் சந்திப்பு?

அணு ஆயுதம், ஏவுகணை சோதனைகள் மூலம்

மேலும்
img
உலகில் முதல் முறையாக ஆளில்லா ஆயுதப்படகு  சீனா வெற்றிகர சோதனை!

8 மாத காலம் வரை செயலற்ற நிலையில்

மேலும்
img
மெல்லிய ஓடு கொண்ட அபூர்வ இன பெண் ஆமை இறந்தது

இந்த அபூர்வ இனத்தை சேர்ந்த கடைசி 4 ஆமைகளில்

மேலும்
img
பாகிஸ்தானுக்கு செல்ல வேண்டாம் குடிமக்களுக்கு அமெரிக்க அரசு எச்சரிக்கை

அதற்கு ஏற்ப பொதுமக்கள் தங்கள் பயணத்திட்டங்களை

மேலும்
img
அமெரிக்காவை தாக்கிய பயங்கர சூறாவளி சிறுவர்கள் உள்பட 8 பேர் பலி

சூறாவளி காற்றில் நூற்றுக்கணக்கான மரங்கள்

மேலும்
  • Copyright 2015.Nanban.All rights reserved.
  • powered by img