img
img

காவலர் தேர்வுக்கு வந்த பெண்களை ஆண் மருத்துவர்கள் பரிசோதனை விவகாரம்
வெள்ளி 04 மே 2018 15:36:44

img
போபால்,
மத்திய பிரதேச மாநிலத்தில் காவலர் பணிக்கான தேர்வின் போது இளைஞர்கள் மார்பில் எஸ்சி, எஸ்டி, ஓபிசி என சாதியின் பெயரை குறிப்பிட்டது பெரும் சர்ச்சைக்குள்ளாகியது. இவ்விவகாரம் தொடர்பாக விசாரிக்கப்பட்டு வரும் நிலையில் மற்றொரு சம்பவம் அங்கிருந்து வெளியாகி உள்ளது. அதா வது, பிந்த் மாவட்டத்தில் காவலர் தேர்வுக்கு வந்த பெண்களுக்கு மருத்துவ பரிசோதனையை ஆண் டாக்டர்களே மேற்கொண்டு உள்ளனர். இது தொடர்பான வீடியோ வெளியாகி அதிர்ச்சியை ஏற்படுத்தி உள்ளது. 
 
பரிசோதனைக்கு வந்த பெண்ணை ஆண் டாக்டர் ஒருவர் பரிசோதனை செய்யும் போது அதே அறையில், தேர்வுக்கு வந்த இரு ஆண்கள் உள்ளாடையுடன் நிற்கும் காட்சியும் இடம்பெற்ற வீடியோ வெளியாகி உள்ளது அதிர்ச்சியை ஏற்படுத்தி உள்ளது. 
 
பிந்த் மாவட்ட மருத்துவமனையின் மருத்துவர் அஜித் மிஸ்ரா பேசுகையில், “இவ்விவகாரம் தொடர்பாக விசாரிக்க விசாரணை கமிஷன் அமைக்கப்பட்டு உள்ளது. 5 மருத்துவர்களுக்கு நோட்டீஸ் வழங்கப்பட்டு உள்ளது. டாக்டர் ஜெயின் தலைமையில் விசாரணை மேற்கொள்ளப்பட்டு அறிக்கை தாக்கல் செய்யப்படும்,” என கூறிஉள்ளார். காவலர் தேர்வுக்கு வரும் பெண்களுக்கு தேவையான பரிசோதனைகளை முறையாக மேற்கொள்ள ஒரு பெண் டாக்டரை கூட நியமனம் செய்யவில்லை என மிஸ்ரா கூறி உள்ளார். 
 
பிந்த் மாவட்டத்தில் நடைபெற்ற தேர்வில் 217 பேர் மருத்துவ பரிசோதனைக்கு அனுப்பட்டு உள்ளனர், அவர்களில் எத்தனை பேர் பெண்கள் என்பதை அதிகாரிகள் தெரிவிக்கவில்லை. சம்பால் பிராந்திய இன்ஸ்பெக்டர் ஜெனரல் சந்தேஷ் சிங் பேசுகையில்,“இது சரியானது கிடையாது. பரிசோதனைக்கு வரும் பெண்களை பெண் டாக்டர்கள்தான் பரிசோதனை செய்ய வேண்டும் என்பது அடிப்படை புரிதலாகும். இவ்விவகாரம் தொடர்பாக விசாரணையை மேற்கொள்ளோம், குற்றம் நடந்து இருந்தால் கண்டிப்பாக நடவடிக்கை எடுக்கப்படும்,” என கூறிஉள்ளார்.
பின்செல்

இந்தியச் செய்திகள்

img
பாஜக எம்.எல்.ஏ தலையை கொண்டு வந்தால் 50 லட்சம் பரிசு; முன்னாள் எம்.எல்.ஏ அறிவிப்பு.

இந்நிலையில் மாயாவதியின் கட்சியில்

மேலும்
img
மின்னணு வாக்குப்பதிவு இயந்திரங்கள் குறித்து கருத்து கூறியவர் மீது வழக்கு பதிவு.

நேற்று நடைபெற்ற அந்த பத்திரிகையாளர் சந்திப்பு

மேலும்
img
18 தொகுதிகளிலும் இடைத்தேர்தல் நடத்துவது குறித்து முடிவெடுக்கப்படும்... -தேர்தல் ஆணையம்

18 தொகுதிகளுக்கும் இடைத்தேர்தல் நடத்த

மேலும்
img
எந்த அணியில் கூட்டணி வைக்கப்போகிறது பா.ம.க.? அழைப்புவிடுக்கும் கட்சிகள்!

அ.தி.மு.க கூட்டணிக் கதவுகள் திறந்தே இருக்கின்றன

மேலும்
img
நிறைவேறாத ஆசைகளோடு இருக்கிறார் ஸ்டாலின்- அமைச்சர் ஜெயக்குமார்

தேர்தலை விரும்பினாலும் அவரது கட்சி எம்.எல்.ஏக்கள்

மேலும்
  • Copyright 2015.Nanban.All rights reserved.
  • powered by img