img
img

அமெரிக்க அதிபர் தேர்தல்
திங்கள் 26 செப்டம்பர் 2016 13:10:28

img

அமெரிக்க அதிபர் தேர்தல் வரும் நவம்பர் 8-ந்தேதி நடைபெறுகிறது. அதில் ஜனநாயக கட்சி சார்பில் ஹிலாரி கிளிண்டனும், குடியரசு கட்சி சார்பில் டொனால்டு டிரம்ப்பும் போட்டியி டுகின்றனர். அதிகாரப்பூர்வ வேட்பாளராக அறிவிக்கப்பட்டதும் இருவரும் தீவிரமான பிரச்சாரத்தில் ஈடுபட தொடங்கினர். தங்கள் கருத்துகளையும், திட்டங்களையும் மக்களிடம் எடுத்துரைத்து வருகின்றனர். இதுவரை இருவரும் நேருக்கு நேராக மோதும் நேரடி விவாத நிகழ்ச்சியில் பங்கேற்கவில்லை. இந்த நிலையில், நேரடி விவாதம் இன்று, 26-ஆம் தேதி தொடங்குகிறது. இந்த நேரடி விவாதம் 4 கட்டங்களாக நடைபெறுகிறது. முதல்கட்டமாக இன்று நியூயார்க்கில் உள்ள ஹோப்ஸ்டரா பல்கலைக்கழகத்தில் இரவு 9 முதல் 10.30 மணி வரை விவாதம் நடக்கிறது. அதில் அவர்கள் இருவரும் அமெரிக்காவின் நிலை, செயல்படுத்த உள்ள திட்டங்கள், அமெரிக்க பாதுகாப்பு ஆகிய 3 தலைப்புகளின் கீழ் நேரடியாக பேசி கருத்துகளை தெரிவிக்க வேண்டும். ஹிலாரி-டிரம்ப் மோதும் நேரடி விவாதம் அமெரிக்க தொலைக்காட்சிகளில் நேரடியாக ஒளிபரப்பாகிறது. அதை அமெரிக்க மற்றும் அனைத்துலக நாடுகளை சேர்ந்த 10 கோடி மக்கள் கண்டு களிப்பர் என எதிர்பார்க்கப்படுகிறது. இந்த விவாதத்தின் மூலம் யாருக்கு வாக்களிப்பது என்ற முடிவை செய்யாமல் இருக்கும் அமெரிக்க வாக்காளர்கள் ஒரு தெளிவான முடிவுக்கு வர முடியும் என கருதப்படுகிறது. கடந்த 1960-ஆம் ஆண்டுக்கு பிறகு அமெரிக்க அதிபர் தேர்தலில் தற்போதுதான் முதன் முறையாக ஒரு பெண் போட்டியிடுகிறார். எனவே, இன்று நடைபெறும் இந்த நேரடி விவாதம் வரலாற்று சிறப்புமிக்கதாக கருதப்படுகிறது.

பின்செல்

உலகச் செய்திகள்

img
சக்திவாய்ந்த புதிய ஆயுதத்தை சோதித்த வடகொரியா

வடகொரியாவின் அணு ஆயுத தளங்களில்

மேலும்
img
அமெரிக்காவில் சிறுமி பலாத்காரம் இந்தியருக்கு வாழ்நாள் சிறை 

எப்.பி.ஐ. ஏஜெண்ட் தன்னை ஒரு சிறுமி

மேலும்
img
பாகிஸ்தானில் கனமழை 30 பேர் பலி

இந்த சம்பவங்களில் பஞ்சாப் மாகாணத்தில்

மேலும்
img
பெருநாட்டின் முன்னாள் அதிபர்  தற்கொலை 

ஊழல் குற்றச்சாட்டு உறுதி செய்யப்பட்ட

மேலும்
  • Copyright 2015.Nanban.All rights reserved.
  • powered by img