img
img

என் மகனின் தூக்குத்தண்டனை நிறைவேற்றத்தை நிறுதுங்கள்.
புதன் 12 ஜூலை 2017 11:33:34

img

கோலாலம்பூர், நாளை மறுநாள் வெள்ளிக்கிழமை தூக்கிலிடப்படுவதற்கு அட்டவணையிடப் பட்டுள்ள மலேசியப் பிரஜை எஸ். பிரபாக ரனின் தண்டனை நிறை வேற்றத்தை நிறுத்தும்படி அவரின் தாயார் ஈஸ்வரி சிங்கப்பூர் அரசாங்கத்தை கேட்டுக்கொண்டுள்ளார். இவ்வழக்கு விசாரணையை நெதர்லாந்தில் தி ஹெக்கில் உள்ள அனைத்துலக நீதிமன்றத்திற்கு கொண்டு செல்வதற்கு தாங்கள் நடவடிக்கை மேற்கொண்டுள்ள வேளையில் எதற்காக அவசரப்பட்டு என் மகனின் தண்டைனையை நிறைவேற்ற வேண்டும் என்று தாயார் ஈஸ்வரி கண்ணீர் மல்க கூறினார். 29 வயதுடைய பிரபாகரனுக்கு எதிராக போதைப்பொருள் கடத்தல் வழக்கு நியாயமாக நடைபெறவில்லை என்று நாங்கள் கருதுகிறோம். எனவேதான் இந்த வழக்கை அனைத்துலக நீதிமன்றத்திற்கு கொண்டு செல்வதற்கு அவரின் குடும்பத்தினர் முடிவு செய்துள்ளனர் என்று ஈஸ்வரி சார்பில் ஆஜரா கியுள்ள வழக்கறிஞர் என். சுரேந்திரேன் தெரிவித்தார். பிரபாகரனின் வழக்கை அனைத்துலக நீதிமன்றத்திற்கு கொண்டு செல்வதற்கு மலேசிய நீதிமன்றத்தில் செய்து கொண்ட மேல்முறையீட்டு வழக்கு மனு இன்னமும் நிலுவையில் இருக்கும் போது எதற்காக தண்டனையை நிறைவேற்றுவதில் சிங்கப்பூர் அவசரம் காட்ட வேண்டும் அவர் கேள்வி எழுப்பினார். இவ்வாறு அவசரம் காட்டுவது ஒருவரின் தனிப்பட்ட அடிப்படை உரிமையை மீறுவதற்கு ஒப்பாகும் என்றும் அவர் தெரிவித்தார். சிங்கப்பூரில் நடைபெற்ற பிரபாகரனுக்கு எதிராக வழக்கு விசாரணையை அனைத்துலக நீதிமன்றத்திற்கு கொண்டு செல்ல சிங்கப்பூரை கட்டாயப்படுத்துமாறு மலேசியாவில் தொடுக்கப்பட்ட வழக்கு விசாரணை மனுவை கடந்த மார்ச் மாதம் கோலாலம்பூர் நீதிமன்றம் தள்ளுபடி செய்தது. அவ்வாறு உத்தரவு பிறப்பிப்பதற்கு தங்களுக்கு அதிகாரம் இல்லை என்று அது காரணம் கூறியது. இந்நிலையில் அந்த தீர்ப்பை எதிர்த்து ஈஸ்வரி மேல்முறையீடு செய்துள்ளார்.

பின்செல்

தலைப்புச் செய்திகள்

img
அல்தான் துயாவை கொலை செய்வ தற்கு உத்தர விட்ட அந்த அதிகாரபீடம் யார்

தந்தை சரிபு ஸ்டீவ் தமக்கு எழுதிய ஓர் கடிதத்தில்

மேலும்
img
நஜீப்பின் வீட்டில் கைப்பற்றப்பட்ட பணத்தை அம்னோவிடம் ஒப்படைப்பதா? முடியாது. ஐஜிபி

‘முடியாது, சட்டப்படிதான் நடப்போம்’

மேலும்
img
வலுவான எதிர்க்கட்சியாக மாற மஇகா கற்றுக்கொள்ள வேண்டும்

கூட்டரசு அரசாங்கத்தின் ஒரு பகுதியாக

மேலும்
img
 15 லட்சம் வங்காளதேசத் தொழிலாளர்களை  தருவிக்கும் உடன்பாடு மறுபரிசீலனை

பக்காத்தான் ஹராப்பான் அரசாங்கம் மறுபரிசீலனை

மேலும்
img
வரலாற்றில் முதல்முறையாக இஸ்லாமியர் அல்லாதவர்களுக்கான தனிப்பிரிவு.

நெகிரியில் பொறுப்பேற்றார் அருள்குமார்

மேலும்
  • Copyright 2015.Nanban.All rights reserved.
  • powered by img