வெள்ளி 19, ஜனவரி 2018  
img
img

அந்நியத் தொழிலாளர்களை விரட்டி விரட்டிப் பிடிப்பதை நிறுத்துவீர்.
ஞாயிறு 09 ஜூலை 2017 12:46:38

img

கோலாலம்பூர், ஜூலை 9- பதிவு செய்யப் படாத சட்டவிரோத அந்நியத் தொழிலாளர்களை விரட்டி விரட்டிப் பிடிப் பதைக் குடிநுழைவுத் துறை முதலில் நிறுத்த வேண்டும் என்ற கோரிக்கையை முன் வைத்து மனித உரிமை அமைப்புகள் நேற்று ஒட்டுமொத்தமாக குரல் எழுப்பியுள்ளன. அவர்களை பிடிப்பதற்கு பதிலாக தொழி லாளர்களைச் சட்டப்பூர் வமாக்குவதற்கு நடப்பில் உள்ள முறைகளை முழுமையாக திருத்தி அமைக்க வேண்டும் என்று அவை வலியுறுத்தின. இப்போது நடத்தப்படும் அதிரடிச் சோதனைகள் நியாயமற்றவை என அகதிகள் உரிமைகளுக்காக போராடும் தெனாகானிதா செயல் இயக்குனர் ஆகில் பெர்னாண்டஸ் கூறினார். தொழிலாளர்களைப் பதிவு செய்யாதது முதலாளிகளின் குற்றம். ஆனால், குடிநுழைவுத்துறை பாதிக்கப்பட்டவர்களைப் பிடித்து நாடு கடத்துகிறது. நடவடிக்கை எடுக்கப்பட வேண்டியது முதலாளிகளின் மீதே தவிர தொழிலாளர்கள் மீது அல்ல. வேண்டுமானால் சம்பந்தப்பட்ட தொழி லாளர்களை முதலாளிமார்களுக்கு எதிராக தொடுக்கப்படும் வழக்குகளில் சாட்சிகளாகப் பயன்படுத்திக்கொள்ளலாம் என நேற்று அவர் தெரிவித்தார். சட்ட விரோதத் தொழிலாளர்களுக்குத் தற்காலிக வேலை அனுமதிகள் (இ- கார்ட்) பெற நான்குமாத அவகாசம் வழங்கப்பட்டிருந்தது. கடந்த மார்ச் முதல் தேதி தொடங்கிய இ-கார்ட் விண்ணப்ப கால அவகாசம் கடந்த ஜூலை 30 ஆம் தேதியுடன் முடிவுக்கு வந்தது. இதனை தொடர்ந்து இம் மாதம் முதல் தேதியிலி ருந்து சட்டவிரோத அந்நியத் தொழிலாளர்களை விரட்டி விரட்டிப்பிடிக்கும் அதிரடி நடவடிக்கையை குடி நுழைவுத் துறை தொடங்கியுள்ளது. தங்களை தங்கள் முதலாளிகள் குடிநுழைவுத்துறையிடம் பதியாததால் பலர் வீட்டை விட்டு வெளியேறவே பயப்படுகின்றனர். இரவு நேர நடமாட்டத்தை குறைத்துக்கொண்டனர். எப்போது குடிநுழைவுத்துறை தங்களை பிடிக்கும் என்ற பயத்தில் உள்ளனர். கோலாலம்பூர் மாநகர் போன்ற பெரிய நகரங்களில் அந்நியத் தொழி லாளர்களின் நடமாட்டம் பெருவாரியாக குறைந்துள்ளது. இவ்வாறு தங்களை பதிந்து கொள்ளாத அந்நியத் தொழிலாளர்கள் தாமே வந்து சரண் அடைய வேண்டும். இல்லையேல் அதிரடி சோதனையின் மூலம் கைது செய்யப்படுவார்கள் என்று குடிநுழைவுத்துறை எச்சரித் துள்ளது என்பது குறிப்பிடத்தக்கது.

பின்செல்

தலைப்புச் செய்திகள்

img
முக்காடு போடாமல் இருந்த தாக கூறப்படும் பெண்ணை ஓர் ஆடவர் அறையும் வீடியோ காட்சி

கருப்பு நிற உடை அணிந்திருந்த அந்த பெண், அந்த ஆடவரை

மேலும்
img
நாற்காலியை தூக்கி எறிந்ததில் சிறுவன் சதீஷ் மரணித்த விவகராம்

பந்தாய் டாலாம், ஸ்ரீ பந்தாய் பிபிஆர் 102 வீடமைப்புப் பகுதியில்

மேலும்
img
நாசி லெமா விற்பதற்கா பட்டதாரிகள்?

முறையான வருமானம் இல்லாத சுமையை

மேலும்
img
தமிழ்ப்பள்ளிகளுக்கான கட்டுமானத்தில் ஏற்பட்டுள்ள தாமதத்தை தீர்ப்பதற்கு உடனடியாக நடவடிக்கை எடுக்குமாறு பிரதமர் உத்தரவிட்டுள்ளார்.

மாணவர்கள் நல்லதொரு சூழலில், சௌகரியமாக மேற்கண்ட பள்ளிகளை

மேலும்
img
மலாயாவிற்காக தங்கள் உயிரை கொடுத்து போராடியவர்கள் மலாய்க்காரர்கள் மட்டுமா? 

நாட்டிற்காக ஓர் இனம் மட்டுமே போராடியிருப்பதாக

மேலும்
  • Copyright 2015.Nanban.All rights reserved.
  • powered by img