img
img

திரையரங்கு உரிமையாளர்கள் ஸ்டிரைக் வாபஸ்! உயர்கிறது டிக்கெட் விலை
வியாழன் 06 ஜூலை 2017 17:10:03

img

திரையரங்கு உரிமையாளர்களின் வேலை நிறுத்தம் வாபஸ் பெறப்பட்டுள்ளது. மத்திய அரசின் ஜிஎஸ்டி வரியுடன் மாநில அரசின் கேளிக்கை வரியும் சேர்த்து மொத்தமாகத் தமிழ் சினிமாவுக்கான வரி மட்டும் 58 சதவிகிதம் நிர்ண யம் செய்யப்பட்டுள்ளது. இதற்கு எதிர்ப்பு தெரிவித்து தமிழ்நாடு திரையரங்கு உரிமையாளர்கள் சங்கத் தலைவர் அபிராமி ராமநாதன், ''திரையரங்குகள் காலவரையற்ற முறையில் மூடப்படும்” என்று அறிவித்திருந்தார். அதன்படி, கடந்த 4 நாள்களாக திரையரங்குகள் மூடப்பட்டிருந்தன. இந்நிலையில், சென்னை தலைமைச் செயலகத்தில் முதல்வர் எடப்பாடி பழனிசாமி மற்றும் அமைச்சர்களை அபிராமி ராமநாதன் தலைமையிலான குழுவினர் சந்தித் தனர். இதையடுத்து, செய்தியாளர்களைச் சந்தித்த அபிராமி ராமநாதன், "திரையரங்கு உரிமையாளர்களின் வேலை நிறுத்தம் வாபஸ் பெறப்படுகிறது. கேளிக்கை வரி தொடர்பாக அடுத்தகட்ட பேச்சுவார்த்தை நடத்த குழு அமைக்கப்பட்டுள்ளது. இதில் அரசு சார்பில் ஆறு பேரும், திரையரங்கு உரிமை யாளர்கள் சங்கம் சார்பில் எட்டு பேரும் இடம்பெறுவர். போராட்டத்தால் நாள் ஒன்றுக்கு 20 கோடி ரூபாய் இழப்பு ஏற்பட்டது. இயலாமையின் காரணமா கவே திரையரங்குகள் மூடப்பட்டன. எங்களது சூழ்நிலையை அரசு புரிந்துகொண்டது. போராட்டம் கைவிடப்பட்டதால், நாளை முதல் திரையரங்குகள் வழக்கம்போல் இயங்கும். 28 சதவிகிதம் ஜிஎஸ்டி வரியுடன் டிக்கெட் வசூலிக்கப்படும்" என்றார். ஜி.எஸ்.டி வரியுடன் டிக்கெட் கட்டணம் வசூலிக்கப்படுவதால், 120 ரூபாய் டிக்கெட்டின் விலை 153 ரூபாய் வரை உயருகிறது.

பின்செல்

இந்தியச் செய்திகள்

img
தனித் தீவாகும் கேரளா. பலி 79 ஆக உயர்வு.

நேற்றுமுன்தினம் ஒரே நாளில் மட்டும் 25 பேர்

மேலும்
img
ஈரோடு: பத்து கிராமங்களை சூழ்ந்த வெள்ளம்: ஆயிரக்கணக்கான மக்கள் வெளியேற்றம்

கொடுமுடி அருகே உள்ள காசிபாளையம், ஓஞ்சலூர்

மேலும்
img
மதச்சார்பின்மை பின்பற்றும் மாநிலமாக தமிழகம் உள்ளது: எடப்பாடி பெருமிதம்

இன்று காலை 7.30 மணியளவில் டெல்லி

மேலும்
img
சுதந்திரமடைந்து 70ஆண்டுகள் முடிந்திருப்பதைக் குறிக்கும் விதத்தில் ஒரு டாலர் ரூபாயின் மதிப்பு ரூ.70: திருமா

நமது நாடு சுதந்திரமடைந்து 70 ஆண்டுகளை

மேலும்
img
வரலாறு தெரியாமல் பேசுகிறார் ரஜினிகாந்த்: கடம்பூர் ராஜூ

அ.தி.மு.க.வின் வரலாற்றினை தெரிந்து கொண்டு

மேலும்
  • Copyright 2015.Nanban.All rights reserved.
  • powered by img