img
img

அ.தி.மு.க உடைந்தது உடைந்ததுதான்... சசிகலா புஷ்பா ஆவேசம்!
புதன் 05 ஜூலை 2017 15:02:41

img

அ.தி.மு.க-வில் எடப்பாடி பழனிசாமி, ஓ.பன்னீர்செல்வம் இடையே கருத்து வேறுபாடு ஏற்பட்டு இருப்பதால் இரு அணிகளும் இணைவதற்கான சாத்தி யம் இல்லை. அ.தி.மு.க உடைந்தது உடைந்ததுதான் என்று சசிகலா புஷ்பா எம்.பி காட்டமாகத் தெரிவித்துள்ளார். அ.தி.மு.க சார்பில் மாநிலங்களவை உறுப்பினராகத் தேர்வு செய்யப்பட்டவர், சசிகலா புஷ்பா. முன்னாள் முதல்வர் ஜெயலலிதா உயிரோடு இருந்தபோது அவருடன் கருத்து வேறுபாடு ஏற்பட்டதால், அவருக்கு எதிராக நாடாளுமன்றத்தில் பரபரப்புக் கருத்தைத் தெரிவித்து சர்ச்சையைக் கிளப்பினார். அதனைத் தொடர்ந்து சசிகலா புஷ்பா மீது, பண மோசடி, பாலியல் குற்றச்சாட்டு உள்ளிட்ட வழக்குகள் அடுத்தடுத்து பாய்ந்தன. இந்த நிலையில், சசிகலா புஷ்பா வீட்டில், நெல்லை மாவட்டம் திசையன்விளை அருகே உள்ள ஆனைக்குடி கிராமத்தைச் சேர்ந்த ஜான்சிராணி, பானுமதி ஆகிய சகோதரிகள் வேலை செய்து வந்தனர். அவர்களை சசிகலா புஷ்பா, அவரது கணவர் லிங்கேஸ்வர திலகர் மற்றும் மகன் ஆகியோர் அடித்து பாலி யல் துன்புறுத்தல் செய்ததாகப் புகார் அளித்தனர். இது தொடர்பான வழக்கு நிலுவையில் உள்ளது. இதனிடையே, இந்த வழக்கில் ஜாமீன் வழங்கக் கோரி சசிகலா புஷ்பா தரப்பில் சென்னை உயர்நீதிமன்ற மதுரைக் கிளையில் மனுத்தாக்கல் செய்யப்பட்டது. அதனை விசாரித்த நீதிமன்றம் கடந்த ஜூன் 13-ம் தேதி ஜாமீன் வழங்கியது. இது தொடர்பான வழக்கு நாங்குநேரி நீதிமன்றத்தில் நடைபெற்று வருவதால் அந்த நீதிமன்றத்தில் இன்று நேரில் ஆஜரான சசிகலா புஷ்பா, ஜாமீன் உத் தரவு ஆவணங்களைத் தாக்கல் செய்து விளக்கம் அளித்தார். அதனைத் தொடர்ந்து நீதிமன்றத்துக்கு வெளியே வந்த சசிகலா புஷ்பா செய்தியாளர்களிடம் பேசுகையில், ’’மத்திய அரசு அறிமுகப்படுத்தி இருக்கும் ஜி.எஸ்.டி வரிவிதிப்பால் சமான்ய மற்றும் நடுத்தர மக்களுக்கு எந்தப் பயனும் இல்லை. அவர் களைப் பாதிக்கும் வகையிலேயே இந்த வரிவிதிப்பு உள்ளது. இந்த வரி விதிப்பால் அத்தியாவசியப் பொருள்களின் விலை அதிகரிக்கும். தமிழகத்தில் முதல்வராக இருந்த ஜெயலலிதாவுக்கு நிகராக யாராலும் ஆட்சி செய்ய முடியாது. அவர், ஏழை, எளிய மக்களின் வாழ்க்கைத் தரத்தை மன தில் கொண்டு சிறப்பான வகையில் ஆட்சி செய்தார். அவரது ஆட்சியுடன் தற்போதைய ஆட்சியை ஒப்பிட்டு பேசவே கூடாது. அவரைப் போன்ற தலை மைப் பண்பு கட்சியில் யாருக்குமே இருக்கவில்லை. அதனால்தான் அ.தி.மு.க-வில் பிளவு ஏற்பட்டு விட்டது. ஓ.பன்னீர்செல்வம் தலைமையிலான அணியும் எடப்பாடி பழனிசாமி தலைமையிலான அணியும் இணைவதற்காக பேச்சுவாரத்தை நடத்த முடிவு செய்யப்பட்டு இருந்தது. ஆனால், இரு அணியினருக்கும் இடையே யார் பெரியவர் என்பதில் கருத்து வேறுபாடு ஏற்பட்டு விட்டது. அதனால் ஓ.பன்னீர்செல்வம் தனது அணி சார் பாக பேச்சுவார்த்தை நடத்த அமைக்கப்பட்ட குழுவைக் கலைத்து விட்டார். இது தரப்பினருக்கும் இடையே ஏற்பட்டு இருக்கும் கருத்து வேறுபாடு கார ணமாக மீண்டும் இணைந்து செயல்படுவதற்கான சாத்தியக்கூறுகள் எதுவும் இல்லை. அ.தி.மு.க உடைந்தது உடைந்ததுதான்” என்றார்.

பின்செல்

இந்தியச் செய்திகள்

img
தனித் தீவாகும் கேரளா. பலி 79 ஆக உயர்வு.

நேற்றுமுன்தினம் ஒரே நாளில் மட்டும் 25 பேர்

மேலும்
img
ஈரோடு: பத்து கிராமங்களை சூழ்ந்த வெள்ளம்: ஆயிரக்கணக்கான மக்கள் வெளியேற்றம்

கொடுமுடி அருகே உள்ள காசிபாளையம், ஓஞ்சலூர்

மேலும்
img
மதச்சார்பின்மை பின்பற்றும் மாநிலமாக தமிழகம் உள்ளது: எடப்பாடி பெருமிதம்

இன்று காலை 7.30 மணியளவில் டெல்லி

மேலும்
img
சுதந்திரமடைந்து 70ஆண்டுகள் முடிந்திருப்பதைக் குறிக்கும் விதத்தில் ஒரு டாலர் ரூபாயின் மதிப்பு ரூ.70: திருமா

நமது நாடு சுதந்திரமடைந்து 70 ஆண்டுகளை

மேலும்
img
வரலாறு தெரியாமல் பேசுகிறார் ரஜினிகாந்த்: கடம்பூர் ராஜூ

அ.தி.மு.க.வின் வரலாற்றினை தெரிந்து கொண்டு

மேலும்
  • Copyright 2015.Nanban.All rights reserved.
  • powered by img