img
img

பா.ஜ., பிரமுகர்களுடன் வாக்குவாதம் செய்த பெண் போலீஸ் அதிகாரி மாற்றம்
ஞாயிறு 02 ஜூலை 2017 15:11:02

img

லக்னோ உ.பி., மாநிலத்தில், பா.ஜ., பிரமுகர்களுடன் வாக்குவாதம் செய்த பெண் போலீஸ் அதிகாரி இட மாற்றம் செய்யப்பட்டுள்ளார். உத்தர பிரதேச மாநிலத்தில், முதல்வர் யோகி ஆதித்யநாத் தலைமையில் பா.ஜ., ஆட்சி நடந்து வருகிறது. புலனந்த்சார் மாவட்டம், சையானா நகரில் கடந்த ஜூன், 22ம் தேதி பெண் போலீஸ் அதிகாரி ஸ்ரீஸ்தா தாகூர் தலைமையில் போலீசார் வாகன சோதனையில் ஈடுபட்டனர். அப்போது ஹெல்மெட் அணியாமல் இருசக்கர வாகனத்தில் வந்த ஒருவரை நிறுத்தி, 200 ரூபாய் அபராதம் விதித்தார். அந்த நபர் தன்னை பா.ஜ., பிரமுகர் பிரமோத் குமார் என்றும், தன் மனைவி புலனந்த்சார் மாவட்டத்தில் பஞ்சாயத்து உறுப்பினராகவும் உள்ளார் என அறிமுகப்படுத்தி கொண்டார். அப்போது கடும் வாக்குவாதம் ஏற்பட்டது. உடனே பிரமோத் குமார், பிற பா.ஜ., பிரமுகர்களுக்கு போன் செய்து தகவல் தெரிவித்தார். நகர பா.ஜ., தலை வர் முகேஷ் பரத்வாஜ் உள்ளிட்ட சில பா.ஜ., பிரமுகர்கள் அங்கு வந்து பெண் போலீஸ் அதிகாரியுடன் வாக்குவாதத்தில் ஈடுபட்டனர். அவர்களில் ஐந்து பேரை ஸ்ரீஸ்தா தாகூர் கைது செய்து சிறைக்கு அனுப்பினார். இந்த சம்பவம் சமூக வலைதளங்களில் அதிகளவில் பரவி, பெரும் பரபரப்பை ஏற்படுத்தியது. இதையடுத்து முகேஷ் பரத்வாஜ், 11 எம்.எல்.ஏ.,க்களுடன் சென்று முதல்வர் யோகி ஆதித்யநாத்தை சந்தித்தார். பெண் போலீஸ் அதிகாரியின் செயலால் தங்கள் கவுரவம் பாதிக்கப்பட்டுள்ளதாக முதல்வரிடம் புகார் கூறினார். இந்த சந்திப்பு நடந்த சில நாட்களில் பெண் போலீஸ் அதிகாரி ஸ்ரீஸ்தா தாகூர், பஹ்ரைச் என்ற இடத்திற்கு இடமாற்றம் செய்யப்பட் டுள்ளார்.

பின்செல்

இந்தியச் செய்திகள்

img
தனித் தீவாகும் கேரளா. பலி 79 ஆக உயர்வு.

நேற்றுமுன்தினம் ஒரே நாளில் மட்டும் 25 பேர்

மேலும்
img
ஈரோடு: பத்து கிராமங்களை சூழ்ந்த வெள்ளம்: ஆயிரக்கணக்கான மக்கள் வெளியேற்றம்

கொடுமுடி அருகே உள்ள காசிபாளையம், ஓஞ்சலூர்

மேலும்
img
மதச்சார்பின்மை பின்பற்றும் மாநிலமாக தமிழகம் உள்ளது: எடப்பாடி பெருமிதம்

இன்று காலை 7.30 மணியளவில் டெல்லி

மேலும்
img
சுதந்திரமடைந்து 70ஆண்டுகள் முடிந்திருப்பதைக் குறிக்கும் விதத்தில் ஒரு டாலர் ரூபாயின் மதிப்பு ரூ.70: திருமா

நமது நாடு சுதந்திரமடைந்து 70 ஆண்டுகளை

மேலும்
img
வரலாறு தெரியாமல் பேசுகிறார் ரஜினிகாந்த்: கடம்பூர் ராஜூ

அ.தி.மு.க.வின் வரலாற்றினை தெரிந்து கொண்டு

மேலும்
  • Copyright 2015.Nanban.All rights reserved.
  • powered by img