செவ்வாய் 26, செப்டம்பர் 2017  
img
img

அமைச்சரவை அங்கீகரித்தால் மட்டுமே விமானநிலையத்தில் தமிழுக்கு இடம்
ஞாயிறு 02 ஜூலை 2017 11:44:15

img

ஆறுமுகம் பெருமாள் சிப்பாங், கோலாலம்பூர் அனைத்துலக விமான நிலையத்தில் மட்டுமின்றி நாட்டின் பிற விமான நிலையங்களின் அறிவிப்புப் பலகைகளிலும் தமிழ் மொழி இடம் பெற வேண்டுமானால் அமைச்சரவை அங்கீகரிக்க வேண்டும் என்று விமான நிலையங்களை வழி நடத்தும் மலேசிய ஏர்போர்ட்ஸ் பெர்ஹாட் ஹோல் டிங்ஸ் நேற்று அறிவித்துள்ளது. விமான நிலையங்களின் அறிவிப்புப் பலகைகளில் மட்டுமின்றி விமானப் பயண புறப்பாடு, வந்திறங்குதல் போன்ற முக்கிய அறிவிப்புகளை ஒரு மொழி யில் செய்ய வேண்டுமானால் மலேசிய அமைச்சரவையின் அங்கீகாரம் தேவைப்படுகிறது என்று மலேசிய ஏர்போர்ட்ஸ் பெர்ஹாட் ஹோல்டிங்சின் பயனீட்டாளர் விவகார மற்றும் நிறுவன தொடர்புத் துறை அதிகாரி ஹஜார் தெரிவித்தார். மலேசிய அமைச்சரவை அங்கீகரிக்கக்கூடிய எந்தவொரு உத்தரவையும் நிறைவு செய்வதற்கு மலேசிய ஏர்போர்ட்ஸ் பெர்ஹாட் எப்போதுமே தயாராக இருப்பதாக ஹஜார் விளக்கம் அளித்தார். சிப்பாங், கோலாலம்பூர் அனைத்துலக விமான நிலையம் திறக்கப்பட்டு கடந்த ஜூன் 27ஆம் தேதியுடன் 19 ஆண்டுகள் பூர்த்தியடைகிறது. இந்த 19 ஆண்டுகளில் தேசிய மொழியான மலாய் மொழியுடன் ஆங்கிலம் விமான நிலைய அறிவிப்பு பலகைகளிலும் அறிவிப்புகளிலும் முக்கிய பயன்பாடாக இருந்து வருகிறது. இந்நிலையில் இரு வகையான சீன மொழிகள், அரபு, ஜாவி மற்றும் இன்னும் பிற மொழிகளை விமான நிலையத்தில் அறிமுகப்படுத்திய வேளையில் மலேசியாவில் மூன்றாவது பெரிய இனமாக விளங்கும் இந்தியர்களின் தமிழ்மொழி விடுப்பட்டது ஏன் என்று இரு தினங்களுக்கு முன்பு மலேசிய நண் பன் மக்களை பேட்டி கண்டு சிறப்புக் கட்டுரையை வெளியிட்டது. தமிழ்மொழியைவிடவா அரபு மொழி முக்கியம் என்ற கேள்வி யையும் வாசகர்கள் முன் வைத்தனர். விமான நிலையத்திற்கு பொறுப்பேற்றுள்ள மலே சிய ஏர்போர்ட்ஸ் பெர்ஹாட் ஹோல்டிங்ஸின் இந்தச் செயலை நீலாய் ஜசெக சட்டமன்ற உறுப்பினர் ஜி.அருள்குமாரும் கடுமையாக இடித்துரைத்தார். நீலாய் சட்டமன்ற உறுப்பினர் என்ற முறையில் மலேசிய ஏர்போர்ட்ஸ் பெர்ஹாட் ஹோல்டிங்ஸ் விளக்கம் அளிக்க வேண்டும் என்று கேட்டுக் கொண் டார். இதற்கு எதிர்வினையாற்றும் வகையில் பதில் கடிதத்தை அனுப்பிய மலேசிய ஏர்போர்ட்ஸ் பெர்ஹாட் மேற்கண்ட விளக்கத்தை அளித்துள்ளது. அப்படி யென்றால் இந்தியர்களை பிரதிநிதிப்பதாக கூறிக்கொண்டு மஇகா வாயிலாக அமைச்சரவையில் இடம் பெற்றுள்ள கட்சியின் தேசியத் தலைவர் டத் தோஸ்ரீ டாக்டர் சுப்பிரமணியம், விமான நிலையத்தில் தமிழ் மொழி பயன்பாடு இல்லாதது குறித்து அமைச்சரவையில் ஏன் வாயை திறக்கவில்லை என்று அருள்குமார் தனது வலைத் தளத்தில் கேள்வி எழுப்பியுள்ளார்.

பின்செல்

தலைப்புச் செய்திகள்

img
பிரதமர் எளிதில் இந்திய வாக்காளர்களை கவர்ந்து விடுவாரா?

ஆளும் தேசிய முன்னணி, எதிர்க்கட்சி கூட்டணி என்று இரு திசைகளில் 

மேலும்
img
 கெட்கோ நில விவகாரம்: இருவர் கைது

மலேசிய ஊழல் தடுப்பு ஆணையம் (எம்.ஏ.சி.சி.) அதிரடி!

மேலும்
img
தடம் மாறிய மானியங்கள், தவிக்கும் மக்கள்

சமூகப் பொருளாதார மேம்பாட்டிற்காக ஒதுக்கீடு

மேலும்
img
குத்துச் சண்டையின்போது முகத்தில் தொடர் தாக்குதல்

உடல் கட்டழகர் பிரதீப் சுப்பிரமணியம் மரணம் 

மேலும்
img
ரா. சிவராசாவின் அரசியல் செயலாளர் மற்றும் இதர 2 உதவியாளர்கள் கைது 

குடிநுழைவுத்துறை தொடர்பான விஷயங்களைத் தீர்ப்பதற்கு 55 ஆயிரம் வெள்ளி

மேலும்
  • Copyright 2015.Nanban.All rights reserved.
  • powered by img