img
img

உலகத் துப்பாக்கிச் சுடும் போட்டியில் பெருந்துறை மாணவி!
சனி 01 ஜூலை 2017 18:58:10

img

ஈரோடு மாவட்டம், பெருந்துறையைச் சேர்ந்த 19 வயது பெண், இந்தியாவின் சார்பாக உலகத் துப்பாக்கிச் சுடும் போட்டிக்குத் தேர்வாகியிருப்பது தமிழகத் துக்கே பெரும் மகிழ்ச்சியை ஏற்படுத்தியிருக்கிறது. பெருந்துறையை அடுத்த காஞ்சிக்கோவிலைச் சேர்ந்தவர் நிவேதா. இவர் பெருந்துறை கொங்கு இன்ஜினீயரிங் கல்லூரியில் கம்ப்யூட்டர் சயின்ஸ் இறுதி ஆண்டு படித்துக்கொண்டிருக்கிறார். துப்பாக்கிச் சுடுவதில் ஆர்வம் உடைய இவர், தன்னுடைய 12வது வயதில் கோவை ரைபிள் கிளப் உறுப்பினர் ஆனார். அன்று முதல் பயிற்சிகளை மேற்கொண்டு வருகிறார். கடந்த 2010 முதல் ஏர் பிஸ்டல், ஸ்போர்ட்ஸ் பிஸ்டல், ஷாட் கன் போன்ற பிரிவுகளில் மாநில மற்றும் தேசிய அளவில் நடைபெறும் போட்டிகளில் கலந்து கொண்டு 50-க்கும் மேற்பட்ட பதக்கங்களை வாங்கிக் குவித்துள்ளார். கடந்த 2015-ல் கேரள மாநிலம் திருச்சூரில் நடைபெற்ற தேசிய துப்பாக்கிச்சுடும் போட்டியில் கலந்துகொண்டு தங்கமும் வெண்கலமும் பெற்றுள்ளார். இதுவரை தேசிய அளவில் 6 தங்கமும் 4 வெள்ளியும் 4 வெண்கலமும் பெற்றுள்ளார். சர்வதேச துப்பாக்கிச் சுடுதல் கூட்டமைப்பு (ஐ.எஸ்.எஸ்.எஃப்) சார் பில் வரும் ஆகஸ்ட் மாதம் 15 முதல் 22-ம் தேதி வரை இத்தாலியில் ப்ரபெட்டோ நகரில் உலகக் கோப்பை போட்டி நடக்கிறது. அதையடுத்து ஆகஸ்ட் 30 முதல் செப்டம்பர் 11 வரை ரஷ்யாவின் மாஸ்கோ நகரில் உலக சாம்பியன்ஷிப் போட்டி நடக்கிறது. இதற்கான தேர்வு கடந்த மாதம் டெல்லியில் நடைபெற்றது. அதில் பெருந்துறையைச் சேர்ந்த நிவேதா வெற்றிபெற்று இந்தியாவின் சார்பில் உலகக் கோப்பை போட்டியில் கலந்து கொள்ள தேர்வாகி இருக்கிறார். புன்னகையோடு பேசும் நிவேதா, ''வரும் 2020 டோக்கியோவில் நடக்கும் ஒலிம்பிக் போட்டியில் இந்திய அணியில் கலந்துகொண்டு தங்கம் வெல்ல வேண்டும் என்பதே என் லட்சியம்'' என்கிறார்.

பின்செல்

இந்தியச் செய்திகள்

img
சென்னை: புழல் சிறையில் ‘பாக்ஸர்’ முரளி என்ற கைதி கொலை

பாக்ஸர் முரளி ஏற்கனவே ஒரு முறை குண்டர்

மேலும்
img
சிக்கிம் அரசின் மாநில தூதுவராக பிரபல இசையமைப்பாளர் ஏ.ஆர். ரகுமான் நியமனம்

சிக்கிமின் சாதனைகளை தேசிய அளவில் மற்றும் உலக

மேலும்
img
மிஸ் இந்தியா 2018' பட்டம் வென்றார் சென்னை கல்லூரி மாணவி, உலக அழகி போட்டிக்கு தகுதி

19 வயதான அனு கீர்த்தி வாஸ் இந்திய அழகியாக தேர்வு

மேலும்
img
தாட்டி மகாராஜ் ஆசிரமத்தில் இருந்த 600 பெண்கள் எங்கே? விசாரணையில் காவல்துறை!

ராஜஸ்தானின் ஆலவாஸ் பகுதியில் உள்ள தாட்டி மகாராஜின்

மேலும்
img
கிரிக்கெட் மட்டையால் அடித்து சுடுகாட்டில் புதைக்கப்பட்ட சிறுவன் - இரண்டு சிறுவர்கள் உட்பட மூன்றுபேர் சரண்

நேற்று இரவு நுங்கம்பாக்கம் உதவி ஆணையர் அலுவலகத்தில்

மேலும்
  • Copyright 2015.Nanban.All rights reserved.
  • powered by img