வியாழன் 18, ஜனவரி 2018  
img
img

கடப்பிதழ் காணவில்லையா? வெள்ளி 1,000 அபராதம்
வெள்ளி 30 ஜூன் 2017 12:51:45

img

புத்ரா ஜெயா, இவ்வாண்டு முதல் ஆறு மாதங்களில் தங்களின் கடப்பிதழ்களை காணடித்தவர்களின் எண்ணிக்கை 31,287 என்று குடிநுழைவுத்துறை தலைமை இயக்குநர் டத்தோஸ்ரீ முஸ்தபா அலி தெரிவித்தார். ஒருவரின் கவனக் குறைவால் கடப்பிதழ்கள் காணாமல் போய் விடுகிறது. தொலைந்து போன கடப்பிதழ் பத்திரத்திற்குப் பதிலாக புதிய ஆவணத்திற்கு விண்ணப்பம் செய்பவர்களுக்கு 200 வெள்ளியிலிருந்து ஆயிரம் வெள்ளி வரை அபராதம் விதிப்பது குறித்து குடிநுழைவு இலாகா ஆலோசித்து வருகிறது. அடையாளக் கார்டினை தொலைத்தவர்கள் புதிய கார்டு எடுப்பதற்கு அபராதம் விதிக்கப்படுகிறது.இதுவரையில் கடப்பிதழை தொலைத்தவர்களுக்கு குடி நுழைவுத்துறை அபராதம் விதித்ததில்லை. எனவே இப்போது கடுமையான நடவடிக்கை எடுக்க வேண்டிய காலக்கட்டம் நெருங்கிவிட்டது. சட்டவிதிகள் மாறத்தான் வேண்டும். முதல் முறையாக தொலைந்து விட்டால் அபராதம் 200 வெள்ளி. இரண்டாவது தடவையாக தொலைத்து விட்டால் அபராதம் 500 வெள்ளி. மூன்றாவது முறை என்றால் அபராதம் ஆயிரம் வெள்ளி. ஒருவருக்கு அபராதம் விதித்து தண்டனைக்கு உள்ளாக்குவது எங்களின் நோக்கம் அல்ல. மாறாக கடப்பிதழ் வைத்திருப்போர் பொறுப்புடன் நடந்து கொள்ள வேண்டும் என்பதே எங்களின் நோக்கமாகும்.கொள்கையளவில் குடிநுழைவு இலாகாவின் ஆலோசனைக்கு அரசு ஒப்புதல் தந்துள்ளது. விவ காரம் துணைப்பிரதமர் டத்தோஸ்ரீ டாக்டர் அகமது ஜாஹிட் ஹமிடியின் கவனத்திற்கு கொண்டு செல்லப்பட்டுள்ளது. கடப்பிதழ் காணாமல் போவது எளிதாக நடைபெறும் ஒரு செயலாக இருக்கிறது. அடிக்கடி காணாமல் போவது ஒருவரின் பொறுப்பற்ற செயல் என்றே அர்த்தம். இந்த முக்கியமான ஆவணத்தை கவனக்குறைவாக கண்ட கண்ட இடங்களில் வைத்துவிட்டு தேடுவது முறையல்ல என்றும் அவர் கூறினார்.

பின்செல்

தலைப்புச் செய்திகள்

img
மலாயாவிற்காக தங்கள் உயிரை கொடுத்து போராடியவர்கள் மலாய்க்காரர்கள் மட்டுமா? 

நாட்டிற்காக ஓர் இனம் மட்டுமே போராடியிருப்பதாக

மேலும்
img
பேராவில் 10 மாணவர்களுக்கும் குறைவாக உள்ள 7 தமிழ்ப்பள்ளிகளின் உரிமம் காப்பாற்றப்படுமா?

மாணவர்கள் எண்ணிக்கை பத்துக்கு கீழாக இருப்பதால்

மேலும்
img
கணவரின் மரணச் சான்றிதழை வழங்காமல் இழுத்தடிப்பு

இங்குள்ள ஜாலான் ஊத்தான் மெலிந்தாங் பத்தாவது மைல்

மேலும்
img
கெடா மாநிலத்தில் உள்ள 58 தமிழ்ப் பள்ளிகளின் எதிர்காலம் கேள்விக்குறி.

58 தமிழ்ப் பள்ளிகளில் குறைந்த மாணவர்களின் எண்ணிக்கை

மேலும்
img
16ஆவது மாடியிலிருந்து தூக்கி வீசப்பட்ட நாற்காலியால்  சிறுவன் மரணம்

தலையில் பலத்த காயங்கள் ஏற்பட்ட சதீஷ் சம்பவ இடத்திலேயே

மேலும்
  • Copyright 2015.Nanban.All rights reserved.
  • powered by img