img
img

தீவிரவாதிகளுக்கு ஆதரவளிக்கவில்லை என கத்தார் மறுப்பு
புதன் 07 ஜூன் 2017 16:14:21

img

தோஹா: தீவிரவாதிகளுக்கு ஆதரவளிப்பதாக கூறும் குற்றச்சாட்டுக்களை மறுத்துள்ள கத்தார் வெளிப்படையான, நேர்மையான பேச்சுவார்த்தைக்கு தயாராக இருப்பதாக அறிவித்துள்ளது. பயங்கரவாதத்திற்கு ஆதரவளிப்பதாக குற்றம்சாட்டி கத்தார் நாட்டுடனான உறவுகளை பஹ்ரைன், சவுதி அரே பியா, எகிப்து, ஐக்கிய அரபு எமிரேட்ஸ் ஆகிய நாடுகள் கடந்த இரண்டு நாட்களுக்கு முன் துண்டித்துக் கொள்வதாக அறிவித்தன. மேலும் ராஜாங்க ரீதி யிலான உறவையும் துண்டித்துக் கொள்வதோடு, கடல், வான் மற்றும் தரை வழிப் போக்குவரத்துக்கும் மேற்கண்ட நாடுகள் தடை விதித்தன. இதனால் கத்தார் நாட்டிற்கு செல்ல வேண்டிய விமானப் பணிகள் அவதிக்குள்ளாகியுள்ளனர். மேலும் கத்தார் நாட்டை இணைக்கும் சால்வா என்னும் நெடுஞ்சாலையை சவுதி அரசு மூடிவிட்டது. இதனால் இருநாடுகளுக்கும் இடையேயான சாலைப் போக்குவரத்தும் முடங்கியுள்ளது. பொருட்களை கொண்டு செல்லும் கண்டெய்னர் லாரிகள் நீண்ட வரிசையில் காத்திருக்கின்றன. இதனிடையே பஹ் ரைன், சவுதி அரேபியா, எகிப்து, ஐக்கிய அரபு எமிரேட்ஸ் நாடுகளில் உள்ள கத்தார் நாட்டின் குடிமக்கள் 2 வாரங்களில் அந்நாடுகளில் இருந்து வெளியேற வேண்டும் என உத்தரவிடப்பட்டுள்ளது. இந்நிலையில் தீவிரவாதிகளுக்கு ஆதரவளிப்பதாக கூறப்படும் குற்றச்சாட்டை கத்தார் மறுத்துள்ளது. வெளிப்படை தன்மையுடன் நேர்மையான பேச்சு வார்த்தைக்கு தயாராக உள்ளதாக அந்நாடு கூறியுள்ளது. மேலும் அண்டை நாடுகளுடனான உறவு துண்டிக்கப்பட்டுள்ளதையடுத்து, கத்தாரில் அத்தியாவ சிய பொருட்களுக்கு தட்டுப்பாடு ஏற்படும் சூழல் உருவாகியுள்ளது.

பின்செல்

உலகச் செய்திகள்

img
கருத்துக்கணிப்புகள் ஜெயிக்குமா?

தேர்தல் முடிவுகளுக்கு முன் எதிர்க்கட்சிகள் இணைந்து

மேலும்
img
கர்ப்பத்தில் குழந்தைக்கு அறுவை சிகிச்சை லண்டன் மருத்துவர்கள் சாதனை

குழந்தையை ‘ஸ்கேன்’ செய்து பார்த்த மருத்துவர்கள்

மேலும்
img
கால்களால் விமானம் ஓட்டும்  முதல் பெண் விமானி 

ஜெசிகா வளர வளர அவரது அறிவும் ஆறுதலான பேச்சும்

மேலும்
img
விடுமுறை நாளில் அரசு காரில் உல்லாசம் - பிரிட்டனின் போர் தளபதி மீது நடவடிக்கை 

அரசு சொத்தினை தவறாக பயன்படுத்தியதாக கூறி

மேலும்
img
டயானா மரணம்: மௌனம் கலைந்தார் இளவரசர் வில்லியம்

இளவரசர் சார்லசை பிரிந்து வாழ்ந்த நிலையில்

மேலும்
  • Copyright 2015.Nanban.All rights reserved.
  • powered by img