வியாழன் 18, ஜனவரி 2018  
img
img

பேரா இந்தியர் பொது பூப்பந்துப் போட்டி ஒற்றையர் பிரிவில் இளவரசி வெற்றி!
புதன் 03 மே 2017 12:03:50

img

(ஈப்போ) பேரா இந்தியர் பொது பூப் பந்துப் போட்டியில் ஒற்றையர் பிரிவில் பினாங்கைச் சேர்ந்த செரன் டேவ், பிஜே பகுதியைச் சேர்ந்த இளவரசி வெற்றி வாகை சூடினார்கள். நேற்று இங்குள்ள மாஸ்டர் பேட்மிண்டன் விளையாட்டு அரங்கத்தில் 40ஆவது பொது பூப்பந்துப் போட்டியை பேரா இந்தியர் பூப்பந்து மன்றம் ஏற்று நடத்தியது. சுமார் 700க்கும் மேற்பட்ட விளையாட்டாளர்கள் இதில் பங்கேற்றனர். மூன்று நாட்களுக்கு நடைபெற்ற இப்போட்டியில் நேற்று இறுதி போட்டி நடைபெற்றது. ஒற்றையர் மற்றும் இரட்டையர் இறுதிப் போட்டியை காண ஆர் வலர்கள் மண்டபத்தில் திரண்டிருந்தனர். ஆண்களுக்கான ஒற்றையர் இறுதிப் போட்டியில் பினாங்கைச் சேர்ந்த செரன்டேவ், பிஜேவைச் சேர்ந்த ராஜேஸ் போட்டியிட்டனர். இதில் செரன்டேவ் வெற்றி பெற்றார். பெண்களுக்கான ஒற்றையர் போட்டியில் பிஜேவைச் சேர்ந்த இளவரசி ஈப்போ விபனாவை சந்தித்தார். இதில் நடப்பு வெற்றியாளர் விபனாவை இளவரசி தோற்கடித்து பெண்கள் ஒற்றையர் சாம்பியனாக அறிவிக்கப்பட்டார். இரட்டையர் பிரிவு தெலுக் இந்தானைச் சேர்ந்த ஒன்றுவிட்ட சகோதரர்கள் முகுந்தன், முகிலன் வெற்றி பெற்றனர். பெண்கள் இரட்டையர் பிரிவில் ஈப் போவைச் சேர்ந்த ஈஸ்தர் ரத்னா தேவி, எஸ்.பிரேமலதா வெற்றி பெற்றனர். 18 வயதுக்கும் கீழ்பட்டவர்களுக்கான போட்டியில் ஒற்றையர் பிரிவில் கிளந்தானைச் சேர்ந்த எஸ்.முகிலன் வெற்றி பெற்றார். இரட்டையர் பிரிவில் பினாங்கைச் சேர்ந்த தனசேகரன், சுகேந்திரன் வெற்றி பெற்றனர். மொத்தம் 22 பிரிவுகளுக்கான போட்டியில் 10 வயதுக்கும் கீழ்பட்ட ஒற்றையர் பிரிவில் தைப்பிங்கைச் சேர்ந்த வெக்கட் ராவ், பெண்கள் பிரிவில் பிஜேவைச் சேர்ந்த நிலாஷா, 12 வயதுக்கும் கீழ்பட்ட ஒற்றையர் ஆண்கள் பிரிவில் பினாங்கைச் சேர்ந்த தமிழரசு குமார் வெற்றி பெற்றார். பெண்கள் ஒற்றையர் பிரிவில் ஈப்போவைச் சேர்ந்த வாணி கோபி வெற்றி பெற்றார். 15 வயதுக்கும் கீழ்பட்ட ஒற்றையர் ஆண்கள் பிரிவில் கூலிமைச் சேர்ந்த எஸ்.சுனேசன் வெற்றி பெற்றார். பெண்கள் ஒற்றையர் பிரிவில் பிஜேவைச் சேர்ந்த எஸ்.பணிமலர் வெற்றி பெற்றார். வெற்றியாளர்களுக்கு பேரா சட்டமன்ற சபாநாயகர் தங்கேஸ்வரி சுப்பையா, பேரா மகளிர் தலைவி தங்கராணி பரிசுகள் எடுத்து வழங்கினார்கள். பேரா இந்தியர் பூப்பந்து மன்றத்தின் தலைவர் என்.லோகநாதன் கடந்த 40 ஆண்டுகள் இடைவிடாது இப்போட்டியை நடத்துவதற்கு ஆணிவேராக இருந்து வரும் மன்றத்தின் செயல் குழுவின் ஒத்துழைப்புக்கு நன்றி கூறினார்.

பின்செல்

விளையாட்டுச் செய்திகள்

img
உபர் கிண்ண பூப்பந்துப் போட்டிக்கான தேசிய அணியில் இடம் பிடித்த கிஷோனா 

6ஆம் தேதி முதல் 11ஆம் தேதி வரை அலோர்ஸ்டாரில்

மேலும்
img
கட்டொழுங்கில்லாத ஆட்டக்காரர்களை நீக்க தயங்கக் கூடாது

இப்படிப்பட்ட ஆட்டக்காரர்களை நீக்குவதால்

மேலும்
img
சாதனை புரிந்து நாட்டுக்கு பெருமை சேர்ப்பேன்

கைரூல் ஹபிசின் சாதனைகளை முறியடிக்கும் இலக்குடன்

மேலும்
img
கராத்தே விளையாட்டுப் போட்டி, ஆர். கங்கா தரன், எஸ். சிவபூரணி ஆகியோர் தங்கப்பதக்கம்

ஷீகோகாய் கராத்தே சங்கத்தின் ஏற்பாட்டிலான

மேலும்
img
சோங் வெய் அபார வெற்றி

14, 21-19 என்ற புள்ளிகளில் சோங் வெய்

மேலும்
  • Copyright 2015.Nanban.All rights reserved.
  • powered by img