செவ்வாய் 22, ஜனவரி 2019  
img
img

மலேசியாவில் தனி வரலாறு படைப்பார் தீனா !
செவ்வாய் 21 மார்ச் 2017 16:10:07

img

அனைத்துலகப் போட்டிகளில் தொடர்ந்து வெல்ல வேண்டும். அடுத்து வரும் ஒலிம்பிக் போட்டிக்குத் தகுதி பெற வேண்டும். ஒலிம்பிக்கில் பதக்கம் வெல்வது எனது கனவு என்று இளம் பூப்பந்து வீராங்கனையான தீனா முரளி தரன் நேற்று கூறினார். பூப்பந்துப் போட்டிகளில் மலேசியாவுக்கென தனி வரலாறு உண்டு. அந்த வரலாற்றுக்குள் ஒரு வரலாற்றைப் பதிவு செய்திருக்கிறார் தீனா.அண்மையில் ஈப்போவில் நடந்து முடிந்த தேசிய பூப்பந்து சாம்பியன் போட் டியில் மகளிர் ஒற்றையர் பிரிவில் தேசிய சாம்பியனாக வாகை சூடியுள்ளார் 19 வயதுடைய தீனா. தீனாவின் இந்த வெற்றி, மலேசிய இந்தியர்களைப் பொறுத்தவரை ஒரு வரலாற்றுப்பூர்வமான சாதனையாகும். பூப்பந்துப் போட்டியின் மகளிர் பிரிவில் தேசிய சாம்பியனாக வாகை சூடியிருக்கும் முதல் மலேசிய இந்திய வீராங்கனை என்ற சாதனையை தீனா படைத்திருக்கிறார்.தீனாவின் மூத்த சகோதரர் கஜென் சிலாங்கூர் மாநி லத்தைப் பிரதிநிதித்து விளையாடியுள்ளார். அதேவேளையில், தீனாவின் இளைய சகோதரி செலினா முரளி தரன் தற்போது சிலாங்கூரை பிரதிநிதித்து விளையாடி வருகிறார். தேசிய சாம்பியன் போட்டியில் வென்றிருந்தாலும் தாம் அனைத்துலக போட்டிகளில் முத்திரை பதிக்கவேண்டும் என்ற வேட்கையுடன் தொடர்ந்து கடுமையான பயிற்சிகளில் ஈடுபட்டு வருவதாக அவர் கூறினார். 6 வயதில் இருந்தே பூப்பந்து விளையாடி வருகிறேன். எனது வெற்றிக்காக நீண்ட காலம் பயிற்சி செய்து வந்துள்ளேன். எனக்கு மிகவும் பக்கபலமாக இருப்பவர்கள் என் பெற்றோர்தான் என்று அவர் கூறினார். கிள்ளானைச் சேர்ந்த முரளிதரன் -டாக்டர் பரிமளா தம்பதியரின் இரண் டாவது பிள்ளையான தீனா, தனது முக்கிய இலக்கு ஒலிம் பிக் போட்டி வரை சென்று பதக்கம் வெல்வதுதான் என்கிறார்.

பின்செல்

விளையாட்டுச் செய்திகள்

img
தாய்லாந்து மாஸ்டர் ஓட்டப்போட்டியில் 15 தங்கப்பதக்கங்கள் வெல்ல மலேசியா இலக்கு.

24ஆவது அனைத்துலகப் போட்டியில் 15

மேலும்
img
வரலாறு படைத்தார் பி.வி.சிந்து. உலக சாம்பியன் பட்டம் வென்ற முதல் இந்தியப் பெண்.

இந்திய வீராங்கனை பி.வி.சிந்து

மேலும்
img
சுக்மா திடல் தடப் போட்டியில் பூவசந்தன், கீர்த்தனா சாதனை.

பூவசந்தன் 10 ஆயிரம் மீட்டர் ஓட்டப் போட்டியிலும்

மேலும்
img
சீலாட்டில் மேலும் இரு வெள்ளிப் பதக்கங்கள்.

தேசிய வீரர் முகமட் பௌசி காலிட்

மேலும்
img
மலேசிய ஜோடிக்கு வெண்கல பதக்கம்.

நீச்சல் போட்டியில் மலேசியாவை

மேலும்
  • Copyright 2015.Nanban.All rights reserved.
  • powered by img